Kepa Arrizabalaga është portieri më i shtrenjtë në historinë e futbollit, me Chelsean që shpenzoi plot 80 milionë euro për ta afruar në “Stamford Bridge” dy vite më parë.
Pavarësisht shifrës së çmendur, spanjolli nuk ka bindur dhe në ndeshjet e fundit ka luajtur si titullar Caballero. Tashmë, Kepa është kthyer në një të padëshiruar në Londër dhe Chelsea po mendon seriozisht për një tjetër portier.
Sipas raportimeve të fundit nga “Chiringuito”, klubi londinez ka gati ofertën e parë për Jan Oblak. Chelsea ofron shërbimet e Kepas + 30 milionë euro për të bindur Atletico Madrid. Slloveni është një ndër më të mirët në Botë aktualisht dhe do të jetë e vështirë për të bindur “Los Colchoneros” që ta lënë të lirë. Gjithsesi, oferta e Bluve është për t’u marrë në konsideratë.
