Futboll Kategoria Superiore Sport

GOLA DHE SPEKTAKËL NË KORÇË/ Skënderbeu “thyen” Teutën. Koliçi pret penallti në kohën shtesë (VIDEO)

Gola dhe spektakël në Korçë, në një sfidë Skënderbeu-Teuta që do të mbahet mend gjatë për golat dhe intesitetin e lartë gjatë gjithë 90 minutave të përballjes e sidomos ajo penallti e pritur nga Koliçi në kohën shtesë, që u siguroi vendësve fitoren. Dejvi Bregu do të kalojë në epërsi Skënderbeun në minutën e 19-të, kur tregohet i saktë para portës.

Por Teuta do të reagojë menjëherë dhe 6 minuta më pas do të barazojë shifrat me anë të Kallakut, që godet saktë me kokë.

Pjesa e parë mbyllet me epërsinë e të zotëve të shtëpisë, që tundin rrjetën e Frashërit me penalltinë e ekzekutuar saktë nga kapiteni Dita.

Me rifillimin e lojës Teuta vendos menjëherë barazpeshën me çyrben që ndëshkon Koliçin brenda zonës.

Por emocionet nuk kanë përfunduar këtu sepse në të 74-ën është sërish Bregu që nuk fal, teksa pas stopimit në zonë gjuan fort dhe saktë duke rikthyer bardhekuqtë në avantazh.

Në minutën e 92-të Kallaku ka të gjitha shanset për ta mbyllur këtë takim në barazim, por Koliçi do të jetë monumental, teksa do ndalë numrin 10 të durrsakëve nga 11 metrat. Mbyllet 3-2 në Korçë, me Skënderbeun që ngjitet në kuotën e 32 pikëve, ndërsa Teuta mbetet me 35.

Related posts

Shpërthen Stoichkov/ Ja mbrojtja e fortë që i bën MESSIT në Argjentinë, LEO është…

Isa.Autor

Jashanica si Nasri, Skënderbeu mendon Qipron si zgjidhje

Q.Autor

8 MUAJ PAS DËMTIMIT/ Rikthehet në fushën e blertë “shigjeta” e Kombëtares…

Delo.autor

Leave a Comment