Fabian Ruiz është një nga lojtarët më të mirë te Napoli, i cili po tregon paraqitje shumë të mira kohët e fundit.
Falë paraqitjeve të shkëlqyera, spanjolli ka tërhequr vëmendjen e disa prej ekipeve më të mëdha, siç janë Reali dhe Barcelona. Megjithatë nuk janë vetëm këto dy skuadra të interesuara për 23-vjeçarin, pasi në garë për të marrë shërbimet e tij është futur edhe Mançester Siti.
Këta të fundit morën një dënim me pezullim për 2 vite nga Kupat e Europës, por duket se kjo nuk i ndalon të bëjnë afrime në ekipin e tyre.
Sipas asaj që shkruan “Express”, anglezët kanë gati një ofertë prej 90 milionë eurosh për futbollistin, shumë me të cilën besojnë se do të bindin presidentin De Laurentis.