Rasti i parë i Coronavirusit është kapur në Kroaci. Një djalë i ri ka ndjerë pasojat e para dhe pas analizave në spital është bërë me dije se është i prekur me virus. Situata është më alarmante kur mendohet se virusin e ka marrë në ndeshjen e Atalantas kundër Valencias.
Ai ishte së bashku me të dashurën e tij në Milano për të parë sfidën e Champions Leagues. Në stadium ishin rreth 40 mijë spektatorë dhe frika është e madhe. Valencia ka dalë me komunikatë zyrtare pas ndeshjes se tifozët që ishin në Milano duhet të tregojnë kujdes.
Serie A do t’i zhvillojë ndeshjet me dyer të mbyllura, ndërsa virusi afrohet gjithnjë dhe më shumë afër vendit tonë. Ende nuk ka një kurë të mirëfilltë dhe situata është shumë e rrezikshme.
