“Eshtë i plakur!”… “Karriera e tij ka marrë fund!”… “Nuk do të bëjë diferencën dhe do të luajë me pikatore në këto nivele!”… Këto janë disa nga etiketimet që iu bënë Zlatan Ibrahimovic dhe kritikat për drejtuesit e Milanit që vendosën të merrnin suedezin në moshën 38-vjeçare dhe pas dy muajsh pa skuadër që pas fundit të MSL për edicionin e vitit 2019.
Por, në fushë, Zlatan Ibrahimovic po tregon të kundërtën. Dy gola në kampionat dhe 1 në Kupë për gjigantin suedez, që veç kësaj po tregon se forma sa vjen e po rritet. Sot ndaj Torinos do të luajë ndeshjen e tretë brenda 9 ditësh! Për ta kuptuar më mirë: Cristiano Ronaldo ndaj Brescias qëndroi pushim total!
Jo vetëm kaq, por shifrat tregojnë se edhe gjendja fizike është e pabesueshme. Sipas statistikave, Ibrahimovic vrapon mesatarisht 8.7 km për ndeshje, praktikisht njëjtë me Castillejo, që është 25 vjeç, pra 13 vjet më i ri se suedezi!
