Paulo Dybala po qëndron në shtëpi, nw kushte karantine prej “Coronavirus”. Në izolim, si të gjithë lojtarët e tjerë të Juventusit, pasi Rugani, së pari, dhe pastaj Matuidi, rezultuan tw prekur nga ky virus. Dhe kështu, për ta vrarë kohën, argjentinasi ka publikuar në profilin e tij në Instagram një postim me koleksionin personal të fanellave të futbollit.
Ndër fanellat që mund të shihen në foton e postuar nga kampioni brdhezi veçohen ato të Roman Riquelme dhe Ronaldinho, ndërsa në plan të parë janë ato të Argjentinës së tij, tw Rodrigo De Paul dhe José Mauri. Ish-mesfushori i Milanit e komentoi foton me një shaka: “Faleminderit vëlla! Tani më kalo numrin e llogarisw që të bëj një transferim bankar për të më vendosur në radhën e përparme”.
Ndër komentet e shumta të marra, spikat edhe ai i ish-shokut të tij të skuadrës në kohën e Palermos, Stefano Sorrentino: “Ku është e imja?”
