“Italianët përdorin koronavirusin për të marrë pushim, sepse nuk duan të punojnë (janë dembelë)”. Kështu tha Christian Jessen, mjek britanik dhe prezantues i programit të sëmundjeve të sikletshme, teksa fliste për urgjencën shëndetësore të “Coronavirus”, që po prek gjithë botën dhe ka detyruar Italinë të karantinohet totalisht. Deklaratë e fortë, që ngjalli zemërim të madh në internet.
Ndër komentet e shumta është ajo e Ciro Immobile. Sulmuesi i Lazio nuk i kapërdiu dot fjalët e mjekut anglez dhe, përmes një postimi në Instagram, komentoi: “Shko dhe tregojua të afërmve të të vdekurve, ose atyre që janë duke luftuar për jetën këto broçkulla, debil. Unë po të them nga thellësia e shpirtit: shkofsh në ferr!”
