Një ndër mesfushorët mbrojtës më të mirë të momentit në botë është Casemiro i Real Madrid. Një formë fantastike e brazilianit, që edhe në “El Clasico” ishte ndër më të mirët në fushë. Sekreti i suksesit dhe formës? Carlos Heredia! Ky djalosh i ri ka punuar si fizioterapist i Real Madrid nga viti 2009 deri në 2015 dhe vazhdon të ketë ende raporte me disa “blancos”.Mes tyre, Casemiro, që është nën tutelën e fizioterapistit që ka një metodologji “të çmendur”. Mes ushtrimeve që ka postuar dhe që kryen braziliani, “të mos bjerë shkopi”. Një video ku duket braziliani që bën pompa me trupin dhe duke ndërruar duart te shufra që mban dhe e cila nuk duhet të bjerë për asnjë moment…
