Juventus kërkon me patjetër që të bëjë një goditje të bujshme në merkaton e verës dhe së fundmi raportohet nga “Corriere dello Sport” se i përzgjedhuri është Harry Kane.
Anglezi kërkohet edhe nga Manchester United e Real Madrid dhe problemi më i madh është që Tottenham kërkon 200 milionë euro. Vlerë jashtëzakonisht e lartë.
Gjithsesi, Juventus e ka zgjidhjen dhe mund të jetë Paulo Dybala. Nëse shitet “La Joya”, atëherë bardhezinjtë janë gati të plotësojnë çdo kërkesë të Tottenham.
