Trajneri legjendar turk Fatih Terim, i quajtur ndryshe dhe si “Perandori”, është shëruar suksesshëm nga koronavirusi, duke ndjekur kështu në fatmirësi ish-lojtarin e tij, legjendën e portës Rustu.
Terim u shfaq drejtpërdrejt në mediat sociale, duke rrëfuar impresionë post-koronare për opinionin e gjerë.
Në fillim të mesazhit të tij, ai shprehu ngushëllimet e tij për të gjitha familjet e atyre që ndërruan jetë, dhe për ata që ende po luftojnë, duke iu uruar një shërim të shpejtë.
“Siç e dini, unë kam luftuar këtë virus për një muaj. Besomëni, nuk ishte e lehtë”, tha Terim.
Edhe një herë, ai u bëri thirrje të gjithë qytetarëve që të jenë të përgjegjshëm dhe të respektojnë masat e vendosura për të parandaluar përhapjen e virusit.
