Bacary Sagna është rikthyer të jetë protagonist në media, teksa ka dhënë një intervistë së fundmi për gjigantin “Bein Sport”. Ish-mbrojtësi i Arsenalit dhe Manchester Cityt është ndalur te çështja Kylian Mbappe, i cili po lakohet për një largim nga PSG.
Sipas Sagna, Mbappe duhet të qëndrojë edhe një vit në Paris dhe të përpiqet të fitojë Champions League. Më pas, mund të largohet nga aty me lavdi.
“Mendoj se qëndrimi në Paris edhe për një sezon tjetër do t’i bënte mjaft mirë Mbappes. Përpara se të ikë duhet të përpiqet të fitojë shumë me PSG-në dhe mendoj që vitin e ardhshëm duhet të qëndrojë për të fituar Champions League. Më pas, mund të largohet me lavdi nga Parisi. Këtë rrugë duhet të njekë për mendimin tim”, përfundon Sagna.
