Vandalizimi i statujës së Zllatan Ibrahimoviçit në Malmo të Suedisë është bërë tashmë çështje në këshillin bashkiak të qytetit.
Sipas mediave suedeze, këshilli bashkiak i Malmos i ka kërkuar sugjerimë klubit suedez Malmo, me të cilin Ibra nisi karrierën si futbollist profesionist, se në cilin pjesë të qytetit duhet të vendoset një statujë e re e 38-vjeçarit. Por, Malmo nuk ka pranuar të japë mendim për këtë çështje.
Statuja e sulmuesit të Milanit u përurua në tetor të vitit të kaluar, por pasi ai deklaroi se ka marrë një pjesë të aksioneve të klubit rival të Malmos, Hamarbit, ultrasit e Malmos e kanë dëmtuar në mënyrë të vazhdueshme statujën e 38-vjeçarit derisa e kanë shembur.