Si shumë kampionate të tjerë, edhe La Liga po përgatitet për rinisjen e futbollit, i cili u pezullua për shkak të Koronavirusit.
Për shkak të pandemisë, mendimi është që të gjitha ndeshjet deri në janar të vitit tjetër të luhen pa praninë e tifozëve, që do të ishte një problem shumë i madh për lojtarët, por edhe ëpër ata që i ndjekin ndeshjet nga TV.
Pikërisht për këtë arsye, në La Liga po shqyrtojnë mundësinë që në stadium të mbulojnë pjesën e ulëseve, duke vendosur pamje tifozësh në stadium.
Gjithashtu një mundësi tjetër që po shqyrtohet është edhe ajo e vendosjes së tingujve të tifozëve në stadium, me anë të një fonie ose më shumë, në mënyrë që skuadra vendase të ndjejë në një mënyrë mbështetjen e tifozëve, por edhe për ata që e ndjekin nga TV të mos bëhet e mërzitshme.
