Sulmuesi i Çelsit, Hudson-Odoi, është arrestuar ditën e djeshme pasi kishte shkelur rregullat e karantinës. Sipas asaj që raportojnë mediat në Angli, 19 vjeçari kishte dalë në orën 4 të mëngjesit, duke takuar një modele që e kishte njohur në internet.
Odoi i cili ka rezultuar pozitiv me Koronavirus, thuhet se i ka kërkuar modeles që ta vizitojë në shtëpinë e tij, duke u veshur vetëm me të brendshme. Anësori i skuadrës londineze dhe modelja kanë shkëmbyer mesazhe filtruese, që lë të kuptohet se janë argëtuar së bashku.
Talenti anglez i ka dërguar asaj një makinë që ta shoqërojë drejt udhëtimit në shtëpinë e tij në perëndim të Londrës. Por, takimi i tyre duket se nuk shkoi mirë, pasi modelja më vonë ka telefonuar policinë dhe një ambulancë. Sipas raportit të policisë, gruaja është dërguar në spital, ndërsa burri i arrestuar në vend ngjarje, është ndalur në polici.
