Borussia Dortmund nuk ka ndërmend të bëjë asnjë ulje për Jadon Sancho.
Sipas BILD, 20-vjeçari është një nga lojtarët më të çmuar në botën e futbollit.
Manchester United është mes klubeve që ëndërron ta ketë në ekip anglezin për sezonin e ardhshëm dhe Dortmund do ta lërë të transferohet te Djajtë e Kuq për të paktën 117 milionë sterlina, rreth 130 milionë euro.
Sancho, nga ana e tij, ka dëshirë të kthehet në Angli tre vite pas transferimit nga Manchester City te verdhezinjtë.
United kryeson garën, por duhet të mposhtë konkurrencën e Real Madrid, Liverpool dhe City për të siguruar shërbimet e Sancho-s. Gjithsesi, Djajtë nuk do të marrin asnjë pa mësuar nëse do të luajnë ose jo në edicionin e ardhshëm të Champions League.
