Me rikthimin e futbollit në shumicën e shteteve, është vendosur që ndeshjet të luhen pa praninë e tifozëve, kjo për shkak të frikës së përhapjes së Koronavirusit.
Megjithatë në Bullgari kanë bërë në gjetje gjeniale, në mënyrë që tifozët t’i kenë në stadium.
Rreth 350 tifozë të Levski, kanë paguar një tarifë të vendosur nga klubi dhe kanë dërguar fotografitë e tyre, në mënyrë që ato të vendosen në stadium, për ndeshjen e së premtes ndaj skuadrës së Ludogorets.
Një eksperiment i veçantë ky në Bullgari, që tashmë stadiumi nuk do të duket tërësisht i boshatisur, ndonëse tifozët do të jenë vetëm në foto.