Një rifillim i sprintit, një futboll “i gazuar” në raste ndoshta edhe më emocionues se ai i treguar para ndalesës së kampionatit, dhe një finale sezoni që mund ta shohë si një protagonist të shkëlqyeshëm në kampionat dhe gjithashtu në Evropë. Kjo Atalanta mund të ëndërrojë, madje edhe për mrekullinë Champions. Alessandro Del Piero, ish-kapiteni i Juventusit, i cili foli në Sky Sports Club, është i bindur për këtë:
“A ka Atalanta shpresë për të shkuar deri në fund të Champions? Po, duke u nisur nga momenti aktual i futbollit. Për mënyrën se si po luan futboll, për faktin që kthehesh pas tre muajve pasivitetit, për faktin se luan pa tifozë dhe për këtë arsye me një kondicionim tjetër nga jashtë. Sepse është një ekip që shënon shumë. Nëse vërtet përshtatet gjithçka, mund të ëndërrojë të fitojë Champions”, pranoi Del Piero
Pasi ka eliminuar Valencinë, skuadra e Gasperini do të jetë protagonist në 1/8-tat e Champions që do të luhen në Lisbonë nga 12 deri në 23 gusht, në pritje të shortit. “Është një ekip që i mungon përvoja në momente të caktuara dhe në faza të caktuara, por sot më shumë se kurrë – vazhdoi Del Piero – nuk mund të bëhen parashikime të sigurta. Por kjo për të gjitha ekipet, nuk ka siguri. Ekziston një pikëpyetje e madhe për gjithçka që mund të hyjë”.