Luka Joviç u afrua me bujë te Real Madridi në merkaton e verës së kaluar, por paraqitjet e treguara nga ai kanë lënë shumë për të dëshiruar.
Pikërisht për këtë arsye, mundësitë që sulmuesi serb të largohet janë të mëdha. Milani e ndjek prej kohësh lojtarin dhe janë gati të nisin një ofertë në drejtim të tij për ta marrë në skuadër.
Megjithatë arritja e një marrëveshje nuk do të jetë aspak e lehtë, pasi së fundmi në garë për shërbimet e lojtarit është futur edhe Interi.
Sipas asaj që shkruan “Fichajes”, zikaltërit e pëlqejnë shumë Joviçin dhe do të përpiqen ta marrin në ekipin e tyre, duke i prishur kështu punë edhe rivalëve të Milanit.