Portieri i Milanit, Xhanluigji Donaruma raportohet se ka vendosur të qëndrojë tek kuqezinjtë, dhe të zgjasë kontratën deri në vitin 2023. Italiani edhe pse vetëm 21 vjeç është bërë një lider në “San Siro” dhe sipas “Gazzetta Dello Sport” është gati të rinovojë kontratën që i skadon në vitin 2021.
Është përfolur disa herë që Milani mund ta shiste Donarumën, por gazeta italiane pretendon se bisedimet mes palëve për rinovimin kanë nisur prej kohësh. Milani po i përgatit një kontratë Donarumës deri në vitin 2023, me një pagë deri në 6 milion euro në sezon plus bonuse.
Donaruma pritet të luajë ndeshjen numër 200 me Milanin sot kundër Sasuolos.
