Sulmuesi i Real Madridit, Vinicius Junior, nuk u stërvit me skuadrën, pasi dyshohej se ishte prekur nga COVID-19. Braziliani ishte i izoluar dhe menjëherë bëri testin e tij të COVID-19 për të larguar çdo dyshim.
Përgjigjja ka ardhur dhe fatmirësisht është negative. Sulmuesi do të rikthehet në stërvitje dhe me shumë mundësi do të jetë pjesë e listës së Zinedine Zidane për ndeshjen kundër Alaves. Ai është kthyer në protagonist të skuadrës madrilene dhe ka bërë mirë këtë sezon.
“Los Blancos” kanë një distancë prej 4 pikësh nga Barcelona me 4 ndeshje të mbetura në kampionat. Të gjitha shanset janë që madrilenët të rikthehen te titulli kampion dhe të ngrenë lart trofeun e kampionatit.
