Dejan Lovren do të largohet si kampion nga “Anfield Road” pas 6 sezoneve me fanellën e Liverpulit. Mbrojtësi kroat, i cili u transferua në Mersejsajd në vitin 2014 për 20 milionë paund nga Sauthemptoni, pritet të firmosë me Zenitin e Shën Pjetërburgut për 10.9 milionë paund.
31-vjeçari regjistroi 185 ndeshje me “Reds”-at, por këto vitet e fundit ai ka luajtur përgjithësisht si rezervë e Van Dajkut, Gomezit dhe Matipit.
Ndërsa këtë sezon, luajti vetëm në 9 ndeshje si titullar në Premier Ligë. Me medaljen e Champions-it fituar sezonin e shkuar dhe Premier Ligës këtë sezon, duket se kroati nuk do të largohet me asnjë pishman nga 19 herë kampionët e Anglisë.
