Trajneri i Atalantës Xhan Piero Gasperini iu përgjigj komenteve të ish-trajnerit të Francës Rajmond Domenek pas barazimit 1-1 me Veronën se rivalët e bergameskëve, PSG-ja, nuk duhet t’i frikësohen Atalantës pasi këta të fundit kanë mbrojtje të dobët.
Në konferencën e takimit pas sfidës, Gasperini ironizoi Domenekun duke thënë se “ai ka të drejtë pasi ka analizuar paraqitjen e veçuar të Atalantës me Veronën” dhe shtoi se shpreson të hedhë poshtë pretendimet e ish-nënkampionit të botës në përballjen me PSG-në në Ligën e Kampioneve.
“Mendoj se ka të drejtë. Besoj se e ka bërë vlerësimin e paraqitjes sonë për këtë takim. Nuk kam ndërmend të bëj asnjë koment rreth opinioneve të tij. Shpresoj të hedhim poshtë pretendimet e tyre në fushë e lojës”, përfundoi Gasperini.
I PËRGJIGJET ISH-TRAJNERIT TË FRANCËS/ Gasperini: Ka të drejtë, shpresoj t’i provojmë të kundërtën me PSG-në
