Pak ditë më parë administratori i Vllaznisë akuzonte presidentin e Bylisit, Besnik Kapllanajn, për të cilin tha se “ka ndërhyrë tek arbitrat që kanë gjykuar takimet mes Vllaznisë dhe Bylisit”.
Kjo nuk u prit mirë nga presidenti ballshiot, që reagoi menjëherë duke i hedhur poshtë të gjitha akuzat dhe duke i thënë Licit, që të kërkonte falje publikisht, në të kundërt gjithçka do të përfundonte në gjyq.
Pikërisht për këtë arsye, ditën e sotme, kur po diskutohet për dyshimet në ndeshjen Bylis-Tirana në zyrat e FSHF-së, dhe ku po jepen dëshmi për atë ndeshje, është thirrur edhe administratori i Vllaznisë të sqarojë deklaratën e disa ditëve më parë dhe të tregojë se çfarë di për dyshimet e kohëve të fundit. “Panorama Sport” ka arritur të sigurojë një video, gjatë kohës kur Lici ka mbërritur në ambientet e FSHF-së.
