Milani duket se ka hedhur një hap të rëndësishëm për rinovimin e kontratës me portierin Xhanluixhi Donaruma.
Sipas “Tuttosport” klubi kuqezi ka arritur akordin me Donarumën për të vazhduar bashkëpunimin deri në vitin 2023. Portieri i Italisë do të përfitojë rritje në bonuse, ndërsa paga e tij bazë do të përsojë një reduktim të vogël.
Prej kohësh është përfolur se Donaruma mund të largohet pas këtij sezoni nga Milani pasi drejtuesit nuk kanë pranuar t’i rrisin pagën. Real Madrid, Juventus, Çelsi, etj e kanë ndjekur prej kohësh gardianin italian dhe kanë pritur momentin për të siguruar shërbimet e tij.
