Sipas “ANSA” policia lokale është dashur të ndërhyjë për të qetësuar mesfushorin e Interit, Marselo Brozoviç, i cili raportohet të ketë qenë i pirë në një nga urgjencat e qytetit. “ANSA” raporton se Brozoviç po bënte debat në spital pasi donte të fuste pa rradhë një mikun e tij që kishte probleme me këmbën.
Mesfushori i Interit mësohet se ka qenë në efektin e alkolit dhe është qetësuar vetëm me ardhjen e policisë. Më pas kroati i ka kërkuar falje të gjithëve, përfshirë edhe mjekëve të urgjencës.
Brozoviç nuk po kalon një moment të mirë në jetën personale, pasi pak kohë më parë u gjobit nga Interi dhe i’u hoq patenta nga policia pasi u kap duke i dhënë makinës në gjendje të dehur.
