Gjashtë gola, emocione pa fund, me barazimin 3-3 që fotografon më së miri gjithçka ndodhi mes Sasuolos dhe Juventusit, ndonëse mes dy portierëve ishte Shezni ai që bëri mrekullia dhe jo Konsilji.
Vendasit i shkuan shumë pranë fitores në minutën e 84-t, duke i magjepsur të gjithë me spektaklin e dhuruar. Për afro 1 minutë ekipi i drejtuar nga De Zerbi, ia fshehu topin bardhezinjve. Me “Tiki-Taka” në versionin Barcelona, Sasuolo turpëroi kampionët në fuqi të Italisë.
Në videon e publikuar në “Twitter” nga ish-lojtari i Interit, Daniele Adani, shfaqet spektakli i dhuruar nga Sasuolo, por për meritë të Sheznit, ky aksion fantastik nuk u konkretizua me gol.
Calcio con la F. #Futbol #skytech pic.twitter.com/2C58KEJOSD
— Daniele Adani (@leleadani) July 16, 2020
