Tirana do të arrinte më shumë sesa një rezultat historik në rast se ia del përballë Crvena Zvezdës. E duke qenë se bëhet fjalë për tur me tek ndeshje, gjithçka mund të ndodhë. Bardheblutë kaluan Dinamon e Tbilisit dhe tanimë, një tjetër emër i madh do të jetë përballë. Serioziteti i bardhebluve dhe me pak fat, mund të çojë edhe në kualifikimin në turin tjetër.
Tirana në turin e tretë kualifikues të Ligës së Kampioneve do të kishte përballë hipotetikisht tri skuadra: Benfika, Dinamo Kiev si dhe Gent, të cilat janë klubet që presin hedhjen e shortit për të mësuar rivalen në turin tjetër. Për bardheblutë, në rast kualifikimi, rivalë të mundshëm janë edhe nëntë ekipet fituese të përballjeve në turin e dytë. Në rast të këtij triumfi historik, edhe shorti do të ishte i frikshëm për kundërshtarët që ka në përbërje, por nëse Tirana kalon Crvena Zvezdën, do të përballonte pa problem edhe frikën e shortit për turin e tretë.