Ndeshja e fundit e Barcelona-s në Champions League do të mbahet mend për një kohë të gjatë nga skuadra dhe tifozët katalanas.
Bayern ka shënuar tetë gola kundër ekipit të Setien, gjë që nuk kishte ndodhur kurrë më parë e të gjithë futbollistët kanë marrë nota shumë të ulëta, mes tyre ka qenë edhe Nelson Semedo, mbrojtësi i krahut portugez.
Rio Ferdinand nuk ka qenë aspak i butë kundrejt lojtarit të Barcelona-s. Portugezi është turpëruar nga Alphonso Davies, që e ka lënë në vend Semedo-n, duke i hapur rrugën golit të pestë të bavarezëve.
Ish-mbrojtësi i United ka bërë një koment të ashpër në rrjetet sociale, duke këshilluar lojtarin e Barçës që të largohej nga Instagram pas paraqitjes së bërë të premten në mbrëmje.