Filipe Kutinjo ishte një nga lojtarët më të mirë të Bajernit në përballjen me Barcelonën, ndonëse ai u aktivizua nga stoli.
Menjëherë pas aktivizimit, braziliani shënoi 2 herë dhe asitstoi 1 herë. Pas triumfit 8-2 ndaj Barcelonës, Bajerni shihet si pretendenti kryesor për fitimin e Championsit.
Megjithatë në rast se gjermanët fitojnë trofeun, atëherë klubi i Barcelonës do të humbte para. Kjo lidhet pikërisht me Kutinjon. Ky i fundit është pjesë e bavarezëve, por kartonin e tij e zotëron Barcelona. Katalanasit gjatë kohës kur e morën sulmuesin nga Liverpuli, nënshkruan një klauzolë të çuditshme.
Aty thuhej se në rast se Kutinjo fiton Champions-in, atëherë katalanasit duht t’i paguajnë anglezëve 5 milionë euro dhe për këtë arsye Barça shpreson që Bajerni të mos fitojë trofeun, pasi e zotërojnë ende spanjollët kartonin e lojtarit.
