Marcelo Bielsa arriti të rikthejë pas 16 vitesh, Lids Junajtid në Premier Ligë. Dje në ndeshjen hapëse të sezonit të ri, Lids u mund nga Liverpuli 4-3 në një ndeshje të çmendur.
Bielsa është një trajner mjaft i veçantë, ku madje disa e quajnë edhe të çmendur. 65-vjeçari ulet gjithmonë në një stol të improvizuar për të parë ndeshjet. Ai e bën këtë për shkak se ndjen dhimbje të mëdha në shpinë. Gjithashtu Bielsa ecën 13 hapa në vijat kufizuese gjatë ndeshjeve, një numër me fat ky në Amerikën jugore.
Gazetari Guilerm Balague ka zbuluar se ai ecën 6 kilometra nga shtëpia në qendrën stërvitore.