Igli Tare godet sërish. Drejtori sportiv i Lacios ka mbyllur përfundimisht marrëveshjen për transferimin e Vedat Muriqit në skuadrën italiane. Sulmuesi i Kosovës do të firmosë një kontrate 5-vjecare me Lacion nga e cila do të përfitojë 2.6 milionë euro në sezon.
Lajmin e ka konfirmuar gazetari i njohur Fabrico Romano si dhe Di Marcio.
“Vedat Muriqi tek Lazio është punë e kryer. Marrëveshja është arritur përfundimisht me Fenerbahcen. Ka mbetur vetëm kompletimi i dokumenteve mes klubeve” – shkroi ai pak minuta më parë Romano në “Twitter”.
Vedat Muriqi to Lazio, done deal. Total agreement reached with Fenerbahçe. Paperworks time between the two clubs. Here we go 🤝🔵 @DiMarzio @SkySport #Lazio #Fenerbahce #transfers
— Fabrizio Romano (@FabrizioRomano) September 5, 2020
“Muriqi është i Lacios, akordi total sapo u arrit”, shkroi Di Marcio në “Twitter”.
#Muriqi è della @OfficialSSLazio, accordo totale appena trovato con il @Fenerbahce #calciomercato @SkySport
— Gianluca Di Marzio (@DiMarzio) September 5, 2020
Siç kanë raportuar mediat në Itali dhe Turqi, klubet janë pajtuar për transferimin rreth 20 milionë eurosh, plus bonuseve. Tare me blerjen e sulmuesit shtatlartë fitoi konkurrencën e shumë klubeve, sidomos atyre angleze që e kërkuan aq shumë 26 vjeçarin.
