Pas skadencës së kontratës me Borussia Dortmund në fundin e qershorit të kaluar, heroi i Kupës së Botës 2014, Mario Gotze (28 vjeç), ka thyer heshtjen për Bild Sport.
Sulmuesi ka folur për atë që do të mund të jetë e ardhmja e tij dhe për ëndrrat që ka akoma në sirtar.
“Nuk mund ta mohoj se kam patur kontakte me disa skuadra, ajo që mund të them është se kam folur me disa trajnerë dhe klube në javët e fundit. kam objektiva ambiciozë dhe dua të fitoj Champions-in”, ka thënë Gotze.
“Ky vullnet më shtyn çdo ditë, në çdo moment. Nuk dua ta mbyll karrierën time pa e fituar atë trofe. Triumfi ynë në Kupën e Botës ka qenë i pabesueshëm. Por puna e përditshme bëhet me klubin dhe nuk ka asgjë më të madhe se të fitosh Champions League”.
“Dua të tregoj akoma se mund të bëj shumë, edhe në klube të nivelit të lartë. Një kthim te Bayern? Është një klub i madh me një trajner të madh, këtë mund të them”.
