Serxhio Dest do të jetë një lojtar i Bajernit në sezonin e ri. Mbrojtësi i djathtë i cili shkëlqeu këtë sezon me Ajaksin, kishte tërhequr vëmendjen e të gjithë skuadrave të mëdha, por karrierën do e vazhdojë te kampionët e Europës.
Në gjurmët e Dest ishin vënë edhe Barcelona me Mançester Sitin, të cilat gjithashtu e dëshironin në ekipet e tyre.
Sipas asaj që shkruan portali holandez “AD.nl”, Bajerni ka arritur marrëveshjen me Ajaksin për transferimin e lojtarit në Gjermani. Operacioni i transferimit të mbrojtësit të djathtë i ka kushtuar bavarezëve 25 milionë euro.
