Milan nuk ka ndërmend të ndalet.
Pasi e kanë mbyllur kampionatin e kaluar në mënyrë të shkëlqyer, kuqezinjtë janë gati ta nisin të riun me dy siguri më shumë: Ibrahimovic dhe Tonali.
Rinovimi i suedezit është thelbësor për grupin që shikon tek ai një lider të vërtetë dhe blerja e talentit italian i jep më shumë freski dhe cilësi ekipit.
Por, siç u tha më sipër, Milan-i nuk ka ndërmend të ndalet. Sipas Tuttposport,. përveç Bakayoko-s, Massara dhe Maldini po punojnë edhe për Keita Balde.
Ish-ylli i Inter-it dhe Lazio-t duket se nuk bën më pjesë në projektin e Monaco, që kërkon 15 milionë euro për ta lënë të lirë. Dëshira e lojtarit është që të kthehet në Itali dhe Milan-i pret vetëm që të ulë kërkesën e francezëve.