Kaljari është pranë transferimit të mbrojtësit të Interit Diego Godin dhe atij të Romës, Federiko Fazio. “Gazzetta Dello Sport”, pretendon se uruguajani është gati të pranojë kalimin tek skuadra tjetër italiane.
Godin i’u bashkua Interit vetëm një vit më parë si lojtar i lirë nga Atletiko Madrid, por nuk është një zgjedhje e parë e trajnerit Konte. Për mbrojtësin zikaltër ka qenë e interesuar edhe skuadra e Rene në Francë, por duket se Kaljari e ka fituar garën.
Ndërkohë edhe Fazio ka arritur marrëveshjen me Kaljarin dhe pritet që këtë javë të kalojë vizitat mjekësore.
