Legjenda e Manchester Unitedit, Paul Scholes ka pranuar se Lionel Messi është lojtari më i mirë në botë, duke e zgjedhur argjentinasin përpara ish-shokut të skuadrës, Cristiano Ronaldos.
45-vjeçari britanik luajti së bashku me Ronaldon gjatë 6 viteve të shkëlqyera të super yllit portugez në “Old Trafford”.
“Unë mendoj për lojtarët e shkëlqyeshëm me të cilët kam ndarë fushën: Eric Cantona, Zinedine Zidane, Pirlo, Xavi, Cristiano Ronaldo dhe më i madhi nga të gjithë është Messi”, ka thënë Scholes për The Independent.
Scholes, i cili vlerësohet si një nga mesfushorët më të mirë të të gjitha kohërave, ka luajtur katër herë kundër Messit në karrierën e tij.
Ish-ylli i Djajve të Kuq u përplas me Messin gjatë të dy ndeshjeve të gjysmëfinales së Ligës së Kampionëve në vitin 2008 dhe në finalet e 2009 dhe 2011.
