Kombëtarja e Shqipërisë humbet me rezultatin 0-1 ndaj Lituanisë në “Air Albania” duke fshirë fitoren e mirë ndaj Bjellorusisë. Një ndeshje skandaloze dhe e turpshme nga ekipi kuqezi që dhuroi një paraqitje të ngjashme me një ekip amator.
Deklarata e Myrto Ozuni:
“Mendoj se nuk e nisëm shumë mirë lojën. Nuk kishim forcë për të ecur përpara. Kur hyra në fushë ekipi ishte i demoralizuar. Kjo ishte hera e parë që u aktivizuam në këtë skemë. Kur hyra në fushë ekipi po luante më shumë futboll. Normalisht babai im është njeriu im më i rëndësishëm, më ka përkrahur përherë që në fillimet e mia. Mesazhi im për të; i them që e dua shumë. Nga goli i pësuar ekipi ra psikologjikisht dhe kjo mendoj që ishte gabimi i sotëm.”- deklaroi Ozuni pas ndeshjes ndaj Lituanisë.
AlpeSport.al
