Ekipi kroat Gorica, ku aktivizohet ish-futbollisti i Tiranës Albi Doka pësoi sot humbjen e parë në këtë sezon. Në javën e gjashtë të kampionatit, Gorica u mposht nga Osijeku me rezultatin 2-1. Përveç shijes së hidhur të humbjes, mbrojtësi i djathtë Doka provoi për herë të parë në Kroaci dhe kartonin e kuq.
23-vjeçari u ndëshkua me kartonin e dytë të verdhë në minutën e 72-të të takimit. Sfida përfundoi në mënyrë dramatike për Goricën, pasi në minutën e 90’+7 pësoi golin fatal nga Grgiç.
Pas 6 javësh, Gorica mbetet në kuotën e 13 pikëve.
