Gareth Bale ka folur pas një jave që është rikthyer në Londër dhe po luan me Tottenhamin. Sulmuesi duket më i lumtur që pas largimit nga spanjollët dhe rikthimit te “Spursat”.
“Jam shumë i lumtur që u riktheva sërish sepse e dua këtë klub. Kam kujtime shumë të mira dhe ndihem mirë dhe kam besimin e klubit. Niveli im i energjive po shkëlqen sërish”.
“Reali? Dua të shijoj futbollin tim. Në Madrid vuajta për pak kohë. Të gjithë e panë. Kur nuk je i lumtur është e vështirë që të luash në nivelin më të mirë. Jam shumë i qetë dhe mundohem të mbaj veten larg kamerave dhe mediave. Kjo ndoshta nuk u pëlqeu atyre”, – tha sulmuesi uellsian.