Sevilla ka prvuar të thyejë atë që për të gjithë skuadrat e tjera duket se është një tabu e vërtetë: fitorja e Superkupës së Europës si fitues i Europa League.
Spanjollët janë përballur me Bayern Munich, fitues i Champions League, të enjten në mbrëmje.
Skuadra e Lopetegui-t nuk ka patur sukses dhe ka qenë e detyruar të dorëzohet në kohën shtesë duke konfirmuar rekordin e veçantë të Atletico Madrid.
Siç ka bërë të ditur Opta, Atletico Madrid është skuadra e vetme që ka arritur të fitojë Superkupën e Europës duke i paraqitur në finale si fituese e Europa League.
Colchoneros, në fakt, në 11 vitet e fundit kanë arritur ta bëjnë një gjë të tillë plot tri herë. Në 2010-ën kundër Inter-it, në 2012-ën kundër Chelsea-t dhe në 2018-ën kundër Real Madrid.
Një rekord unik që është konfirmuar pas rezultatit përfundimtar të ndeshjes së luajtur mes Bayern Munich dhe Sevilla-s t ë enjten në mbrëmje.
