Mauro Icardi është në kërkim të golit të humbur.
Mund të përmblidhet me këto fjalë momenti i sulmuesit të PSG-së që, sipas L’Equipe, duket se ka qenë burim mosmarrëveshjesh mes drejtuesve të klubit dhe trajnerit Tuchel.
Sulmuesi argjentinas është kthyer në fushë me PSG-në kundër Metz dhe Nice, por pa gjetur rrugën e rrjetës, duke konfirmuar kështu dyshime që, nga sa kuptohet, kishte trajneri për të.
Siç lexohet në shkrimin e të përditshmes franceze, këto dyshime duket se janë kthyer. Po, janë kthyer. Në fakt, duket se Tuchel nuk ka qenë asnjëherë i bindur për argjentinasin.
Prapaskenën e ka zbuluar L’Equipe, që ka shkruar se trajneri gjerman nuk ka qenë dakord për blerjen përfundimtare të lojtarit nga ana e PSG-së.
Megjithatë, drejtori sportiv Leonardo e konsideruar uljen me 15 milionë euro të shifrës për të cilën kishin rënë dakord me Inter-in në 2019-ën si një mundësi që nuk duhej humbur.
Në këtë mënyra ka bindur trajnerin se bëhej fjalë për një operacion të suksesshëm. Tani i takon lojtarit të tregojë vlerën e tij…
