Erando Karabeci është futbollisti më i ri i Teutës. Ish-kapiteni i Tiranës u prezantua sot si lojtari më i ri i fituesve të Kupës dhe Superkupës së Shqipërisë.
Mesfushori kryeqytetas ishte në bisedime me klubin durrsak, të cilat duket se kanë dhënë rezultatin e duhur.
Me transferimin e Karabecit, Teuta paralajmëron kundërshtarët se do të jetë një ekip më i fortë se sezoni i kaluar.
Njoftimi i Teutës
|KF Teuta me kënaqësi komunikon arritjen e marrëveshjes me mesfushor Ernado Karabeci. 30 vjeçari ka kaluar me sukses vizitat mjekësore dhe ka firmosur për Teutën. Në Durrës, Karabeci vjen nga Tirana, ku luante prej disa sezonesh në Superligë.