Kemi parë e dëgjuar shumë, por ish-futbollisti i Barcelonës B, Joan Roman, që luan për skuadrën polake Miedz Legnica, i ka habitur të gjithë. Futbollisti ka marrë një vendim duke hequr dorë nga emri i tij i vërtetë.
Ai do të njihet në vazhdim si “Goku”, personazhi kryesor i filmit të animuar “Dragon Ball”. “Unë jam mirënjohës për Joan (emri i tij), për atë që kam jetuar, për të gjitha gjërat pozitive që ai më la, por tani jam Goku.
“Zgjodha këtë emër sepse ndihem i identifikuar me atë që përfaqëson për mua: këmbëngulje, ndjeshmëri, rritje përballë pengesave, dritë dhe pozitivitet.
“Unë vetëm kërkoj respekt, pasi ka shumë njerëz që po më tregojnë të kundërtën. Gjithmonë jam në lëvizje, gjithmonë eci përpara”, tha futbollisti në Instagram