Ish-sulmuesi i njohur italian në vitet ’90 Xhanluka Viali rrëfeu për herë të parë arsyen se përse refuzoi Milanin gjatë kohës që luante për Sampdorian.
Ish-kampioni juventin tregoi për “La Gazzetta dello Sport” se lidhja e fortë me Sampdorian i ngjante “dashurisë për një vajzë” dhe nuk të zëvendësohej dot.
“Isha te Sampdoria për dy vite. Isha pjesë e një projekti që nuk duhej ta lija. Pastaj jetoja mirë. Kisha shumë miq te Sampdoria, diell, plazh, ushqeheshim mirë. Milanin e Berluskonit i shikonim me admirim. Nëse ke rënë në dashuri me një vajzë dhe dikush tjetër të kalon pranë, ti reziston. Në fakt, nuk nëse është krahasimi i duhur, ndonjëherë nuk kam rezistuar shumë. Isha shumë i dhënë pas Sampdorias”, tregoi ish-sulmuesi italian, i cili para pak muajsh kaloi me sukses kancerin në pankreas.
