Ka shkaktuar shumë befasi vendimi i Federatës Franceze të Futbollit për të mos ndëshkuar episodin mes Neymar dhe Alvaro Gonzalez gjatë ndeshjes së luajtur mes PSG dhe Marseille.
Dy lojtarët duket se janë fyer me shprehje raciste. Por asnjë ndëshkim nuk është marrë kundrejt dy futbollistëve, të cilët janë shpallur të dy “të pafajshëm”.
Një vendim që nuk është gëlltitur nga trajneri i Nice, Patrick Vieira, i cili ka shprehur mendimin e tij në konferencën për shtyp të zhvilluar në prag të ndeshjes kundër Nantes.
“Ajo që më shqetëson në këtë çështje është se flasim për racizëm dhe për gjëra që nuk mund t’i pranojmë”, ka thënë francezi.
“Më shqetëson fakti që nuk ka ndëshkime për gjëra të tilla. Nga njëra anë ose nga tjetra duhet të ketë ndëshkime sepse po flasim për racizëm. Janë gjëra të papranueshme”.
