Skuadra e medias së Mançester Sitit bëri një gafë në uebsajtin e klubit ku në vend të zyrtarizimit të Ruben Diazit nga Benfika, e ngatërroi emrin e qendërmbrojtësit me atë të një objektivi tjetër të “Qytetarëve” në merkato, Kalidu Kulibalin e Napolit.
Pep Guardiola e ka kërkuar prej kohësh mbrojtësin senegalez, por në fund arriti akordin për transferimin e talentit të Benfikës në “Etihad”, por e gjithë kjo jehonë ka lënë gjurmën e saj në ambientin e Sitit, që pasi zyrtarizonte transferimin rekord të qendërmbrojtësit portugez, në fund të njoftimit shkruante se tifozët e Sitit kishin shansin që të fitonin një fanellë të autografuar nga blerja më e re e klubit, Kalidu Kulibali.
PANORAMASPORT.AL
