Futboll La Liga Sport

GOLA DHE SPEKTAKËL NË “CAMP NOU”/ “Galaktikët” mposhtin Barcelonën dhe fiton “El Clasico”-n

Reali i Madridit ka mposhtur me rezultatin 3-1 Barcelonën, duke u larguar nga “Kamp Nou” si fitues të “El Clasicos”.

Që në fillim ndeshja nisi me spektakël, teksa skuadra e Zidanit kaloi në avantazh me anë të Valverdes në minutën e 5’. Megjithatë ky avantazh zgjati shumë pak, pasi Fati barazoi shifrat në minutën e 8-të. Pas kësaj rastet për të dyja skuadrat ishin të shumta, por asnjëra nuk ia doli të shënojë golin e avantazhit në pjesën e parë.

Pikërisht golin e avantazhit e gjeti Reali në minutën e 63’, teksa pas një penalltie të fituar nga Ramos, ishte pikërisht ky i fundit që shënoi nga pika e bardhë e penalltisë, për t’i dhënë avantazhin të tijve.

Ky gol duket se i tronditi katalanasit, të cilët dukeshin të pafuqishëm për të reaguar. Për të hipotekuar fitoreën e madrilenëve, mendoi Luka Modriç, i cili pas një aksioni të ndërtuar vetë, ia doli të shënojë në minutën e 91’.

Me këtë fitore Reali shkon në kuotën e 13 pikëve dhe renditen në vendin e parë, ndërsa katalanasit mbeten në kuotën e 7 pikëve në vendin e 10-të.

Related posts

NUK KURSEN IRONINË PËR JORGJIN/ Komentatorja kosovare: Gjyqtari më i mirë shqiptar, imagjino më të keqin (VIDEO)

Delo.autor

DËSHTOI TË TREGONTE CILËSITË/ Mesfushori i BAYERN pranë kalimit tek LEIPZIG

Isa.Autor

LIVE/ Mbyllet super sfida Manchester City-Chelsea

Delo.autor

Leave a Comment