Mesfushori shqiptar, Fation Andoni, i ka dhuruar 3 pikë të arta skuadrës greke të Smyrnis në përballjen ndaj AEL Larisa, e vlefshme për javën e parë të Superligës.
Në minutën e 91-të, Andoni është treguar i saktë nga pika e bardhe e penalltisë. Smyrnis e ka nisur kështu me këmbën e mbarë sezonin e ri, falë golit të shqiptarit, i cili ndëshkoi ish-ekipin e tij.
Vlen të theksohet fakti se te skuadra mike e AEL Larisa, aktivizohej nga minuta e parë sulmuesi Durmishaj, i cili braktisi Shqipërinë për Greqinë. 23-vjeçari, nuk arriti të linte gjurmë në këtë përballje, teksa u ndëshkua edhe me karton të verdhë.
