Marsel Ismajlgeci është një nga lojtarët më të kërkuar në këtë merkato. Shumë skuadra kanë kërkuar mbrojtësin e majtë. Në adresë të lojtarit dhe klubit kanë ardhur disa oferta serioze. Më e rëndësishmja është e ajo e Lokomotivës së Zagrebit.
Kroatët i kanë bërë një ofertë Tiranës për ta blerë kundrejt një çmimi të caktuar. Sigurisht, futbollisti nuk do të largohet tani, por në janar ose e shumta në qershorin e ardhshëm, pasi kroatët nuk kanë vend në ekip. Tirana është në mëdyshje për marrëveshjen që ende nuk është mbyllur.
Akoma nuk ka asgjë përfundimtare, por vetëm bisedime për të ardhmen. Gjasat janë që në janar lojtari të kalojë në pronësi të skuadrës zagrebase, ku luajnë disa futbollistë shqiptarë.
