Një dorë e zgjatur më shumë seç duhet dhe disa fjalë më tepër. Kun Aguero ka përfunduar në qendër të polemikave pas gjestit të tij në ndeshjen e fundit mes Manchester City dhe Arsenalit.
Sulmuesi argjentinas kapi nga qafa asistenten e arbitrit kryesor gjatë protestave të tij për një vendim në vijën anësore. Aguero është kritikuar nga mediat, teksa duhet të sqarojë sjelljen e tij në një kohë që pamjet po shpërndahen me shpejtësi në rrjetet sociale.
